Президент Алматыда өтіп жатқан кірістерді заңдастыруға және терроризмді қаржыландыруға қарсы іс-қимыл жөніндегі Еуразиялық Топтың (ЕАТ) 38-ші Пленарлық отырысы қатысушыларына құттықтау сөзін жолдады

Қасым-Жомарт Тоқаевтың үндеуін ҚР Президент Әкімшілігінің басшысы Олжас Бектенов оқыды.

"Соңғы жылдары қабылданған бірқатар шешімдер Қазақстанның FATF стандарттарына адалдығының растайды. Қаржылық барлау бөлімшесі Мемлекет басшысына тікелей есеп беретін орталық орган мәртебесін алды.

2026 жылға дейінгі қаржылық мониторингті дамыту тұжырымдамасы бекітілді. Заңсыз шығарылған активтерді мемлекетке қайтару жөніндегі шаралар туралы Жарлыққа қол қойылды, оны іске асыру үшін қазір Парламенттің қарауында тұрған арнайы заң жобасы дайындалды", - делінген ҚР Президентінің құттықтау сөзінде.

Сондай-ақ, қатысушыларға Эгмонт тобының төрағасы Ксолисиле Ханьиле сөз сөйлеп, Қазақстанның КЖ/ТҚҚ жүйесі үдемелі дамуды көрсетіп отырғанын жеткізді.

Ол атап өткендей, Қаржылық мониторинг агенттігі КЖ/ТҚҚ саласындағы бас үйлестіруші орган ретінде елдің құзыретті органдарымен ведомствоаралық өзара іс-қимыл құра алды.

"Қазақстанда Президент Әкімшілігі үйлестіретін тиімді ведомствоаралық алаңдар жұмыс істейді. Барлық қатысушылар жүзеге асыратын АЖ/ТҚҚ тәуекелдерін азайтудың нақты жоспары бар. Мемлекеттік органдардың қызметі тәуекелдерге қарсы бағытталған тәсіл негізінде жүзеге асырылады. Бұл Қазақстанның КЖ/ТҚҚ саласындағы жетістіктерінің бір бөлігі ғана", - деді ол.

Еске сала кетейік, ЕАТ 38-ші Пленарлық отырысының негізгі тақырыбы - Қазақстанның FATF стандарттарына сәйкестігін өзара бағалау есебін қорғауы.

Іс-шараға 20 елден 200-ден астам делегат, оның ішінде ЕАТ-қа мүше мемлекеттердің қаржылық барлау бөлімшелерінің 9 басшысы (Беларусь, Үндістан, Қазақстан, Қытай, Қырғызстан, Ресей, Тәжікстан, Түрікменстан, Өзбекстан), 9 байқаушы елдерден (Армения, Иран, Моңғолия, Сербия, АҚШ, Германия, Корея, Түркия, Франция) қатысушылар және де басқа да шақырылған қонақтар қатысуда.

• 08.06.2023
• 205