Қазақстан Республикасы Ұлттық ғылым академиясы делегациясының ЯФИ-ға сапары

2023 жылдың 7 маусымында Ядролық физика институтына Қазақстан Республикасы Президентінің жанындағы ҚР Ұлттық ғылым академиясының Президенті Закарья Күнсұлу Дальтонқызы, вице-президенттер Жұмаділдаев Асқар Серқұлұлы, Ералиева Ләззат Тасболатқызы, ғылым департаментінің директоры Нұрлыбаев Руслан, қоғаммен байланыс департаментінің директоры Оразалиев Қанат келді. Ұлттық Ғылым академиясының делегациясы үшін шолу экскурсиясы ұйымдастырылып, оның барысында институттың ғылыми және өндірістік қызметі таныстырылды.

Сапар аясында делегация Қазақстандағы жалғыз стационарлық ССР-Қ ғылыми-зерттеу реакторында болды.

Реакторды аралау барысында қонақтар орталық залда реактор нысанының қуаты, отын түрі және т.б. негізгі техникалық сипаттамаларымен танысты. Сондай-ақ, қонақтарға ССР-Қ реакторында іске асырылып жатқан ағымдағы және болашақ жобалар таныстырылды, атап айтқанда, бас директор Саябек Қуанышбекұлы қонақтарды Қазақстандағы 10 Халықаралық орталықпен бірлесіп пайдаланушы бағдарламасы шеңберінде іске асырылатын "Ультра суық нейтрондар" мега-сайенс жобасымен таныстырды, Ядролық қауіпсіздік проблемалары зертханасының меңгерушісі Әсет Шаймерденов Физика-техникалық институтымен (Қазақстан) және Chiyoda технологиялық корпорациясымен (Жапония) бірлесіп кремнийдің нейтронды-трансмутациялық легирлеуі бойынша жүргізіліп жатқан жұмыстарға тоқталды. Бұл жартылай Қазақстанда өткізгіш материал алуға және электронды индустрия құру өз кезегінде Қазақстанның дамыған елдер қатарына қосылуына зор үлес қосады. Сондай-ақ, бақылаудың және сынаудың бұзбайтын әдістері ғылыми-техникалық орталығының бөлім басшысы Евгений Ермаков молибден-99 (Мо-99) изотопын сынық әдісімен өндіру туралы айтып, осы әдісті төмен байытылған уранда әзірлеу Институтқа әлемдік деңгейге шығуға мүмкіндік беретінін атап өтті.

Әрі қарай қонақтар қарау терезелерімен және қашықтан басқарылатын манипуляторлармен жабдықталған «ыстық камераларға» барды, олар қызметкерлерге радиоактивті өндіріспен қауіпсіз режимде жұмыс істеуге мүмкіндік береді.

Содан кейін радиофармпрепараттар өндірісі корпусының (Cyclone-30 қондырғысы) базасында Институттың бас директоры Сахиев Саябек ЯФИ Қазақстан Республикасында атом өнеркәсібі саласындағы ғылыми-зерттеу және тәжірибелік-конструкторлық жұмыстардың толық циклін жүргізетін жалғыз институт болып табылатынын атап өтті. 

• 13.06.2023
• 202