Бақыт Сұлтанов сапа саласында «Алтын сапа» сыйлығының жеңімпаздарын марапаттады

Нұр-Сұлтанда ҚР Президентінің «Алтын сапа» сыйлығының лауреаттарын салтанатты марапаттау рәсімі өтті.

Іс-шара Мемлекет Басшысы Қасым-Жомарт Тоқаевтың, Премьер-Министр Асқар Маминнің, «Атамекен» ҚР ҰКП Төралқа басшысы Тимур Құлыбаевтың, «Атамекен» ҚР ҰКП Басқарма Төрағасы Абылай Мырзахметовтың қатысуымен өтті.

Төрт номинация «Өндірістік нысандағы үздік кәсіпорын», «Халыққа арналған тауарлар шығаратын үздік кәсіпорын», «Қызмет көрсететін үздік кәсіпорын», «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын» бойынша жеңімпаздар анықталды.

Сонымен бірге, «Үздік индустриялық жоба» және «Үздік инновациялық жоба» номинациялары бойынша «Алтын сапа» арнайы сыйлықтары берілді. 2020 жылғы «Іскер» арнайы сыйлығының лауреаттары мен «Ұлы дала елі» қолшатыр брендін тағайындау бойынша байқаудың жеңімпаздары анықталды, Supplier of the Year – 2020 байқауының «Бизнес мүлтіксіздігі» сыйлығы табысталды.

Марапаттау рәсімі барысында 2019 жылғы өнімдер мен қызметтердің сапасы саласындағы жетістіктері үшін ТМД сыйлығын алуға арналған конкурстың дипломанттары (конкурс 2 жылда 1 рет өткізіледі) және «Аруана» бизнесті тану» сыйлығының иегерлері аталды.

2019 жылғы өнімдер мен қызметтердің сапасы саласындағы жетістіктері үшін ТМД сыйлығының жеңімпаздарын Сауда және интеграция министрі Бақыт Сұлтанов марапаттады.

Олардың ішінде: «Абзал және Компания» Толық серіктестігі,  «Орал сауда-өнеркәсіп компаниясы» ЖШС, «Мырза-Хан» ЖШС, «Теміржол көлігіндегі қазақстандық сертификаттау орталығы» ЖШС.

• 14.12.2020
• 313