ҚМА Қоғамдық кеңесінің отырысы өтті

Отырыс барысында, әсіресе жергілікті жердегі жұмыста «Халық үніне құлақ асатын Мемлекет» қағидатын басшылыққа алу қажеттігін тағы да тілге тиек етті.

Жиын барысында заңсыз ойын бизнесіне қарсы профилактикалық және атқарылған жұмыстар мәселесі талқыланды. Тыңдау қорытындысы бойынша Қоғамдық кеңес кейбір ұсыныстар берді.

Сонымен қатар, ойын бизнесін жарнамалауды одан әрі шектеу және заңнамалық актілерге бір аккаунттан ставкалар санына шектеу енгізу туралы ұсыныстар түсті.

Сондай-ақ, оқушылар мен студенттер арасында қаржылық қамтамасыз ету бойынша өткен олимпиаданың қорытындысы қаралды.

Қоғамдық кеңес олимпиаданы өткізуде ҚР ҚМА Кадрлар департаментіне жоғары баға берді.

Отырыс барысында ұсынылған нормативтік құқықтық актілердің жобалары қаралды.

Әсіресе, ҚМА жұмысына «Тәлімгерлік» институтын енгізу жұмыстары, Кадр жұмысы басқармасы енгізген қызметкерлерді аттестациялаудың жаңа қағидаттары атап өтілді.

Қоғамдық кеңес күн тәртібіндегі барлық мәселелерді қарап, отырыс жұмысын аяқтады.

• 16.06.2023
• 146