Құрметті денсаулық сақтау саласының қызметкерлері!

Құрметті денсаулық сақтау саласының қызметкерлері!

Сіздерді кәсіби мереке – Медицина қызметкерінің күнімен шын жүректен құттықтаймын!

Денсаулық – біздің басты байлығымыз. Бүгінгі таңда елімізде денсаулық сақтау жүйесін модернизациялауға аса көңіл аударылған. Денсаулық сақтау саласын дамыту, тұрғындарға заман талабына сай, қолжетімді және сапалы медициналық қызмет көрсету бағытында мемлекет тарапынан қолдау көрсетіліп келеді. Мемлекет басшысы Қасым-Жомарт Тоқаев отандық медицина алдына үлкен әрі жауапты міндеттер қойып отыр. Осы бағытта өңіріміздің медицина қызметкерлері үздіксіз жан-жақты ізденіс үстінде. Шет елдердегі үздік мамандармен тәжірибе алмасып, жаңа технологиялар мен әдістерді игеруде. Ауыл-аймақтарда заманауи құрал-жабдықтармен қамтамасыз етілген медициналық орталықтар бой көтеруде. Мемлекеттік-жеке меншік әріптестік әдісімен жұмыс жасайтын медициналық мекемелер де дамып келе жатқанын ерекше атап өткен жөн. Облыста ең соңғы үлгідегі жабдықтар қойылған және білікті мамандары бар заманауи медицина орталықтары ашылып, қызмет көрсетуде.

Сіздер өздеріңізге жүктелген міндетті, ауыр әрі жанкешті қызметтеріңізді абыроймен атқарып келесіздер.

Дендеріңізге саулық, бойларыңызға қуат, отбасыларыңызға амандық, жұмыстарыңызға табыс тілеймін!

• 19.06.2023
• 197