Нархоз университетінің "қолданбалы қаржы" магистрлік бағдарламасының дипломдарын тапсыру рәсімі туралы

16 маусымда "Нархоз" университетінің "Қолданбалы қаржы" магистратурасының дипломдарын тапсыру рәсімі өтті.

Бүгінде Нархоз Қазақстанның жетекші экономикалық университеті болып табылады. Соңғы жылдары айтарлықтай трансформация және жаңғырту жүргізілді, заманауи инфрақұрылымды дамытуға инвестициялар салынды. Бірақ ең бастысы – университеттің кең академиялық мүмкіндіктері мен жоғары білікті педагогикалық құрамы.

Оқу сапасы, инклюзивті орта, түлектердің жұмысқа орналасуы және мансаптық перспективалары бойынша университет қол жеткізген нәтижелерді QS World University Rankings әлемдік рейтингтік агенттігі атап өтті, ол Нархозға "5 жұлдызға"ең жоғары баға берді. Әлемдік аренадағы жоғары баға оқу орнын әлемнің үздік университеттерімен қатар қояды, оның түлектеріне болашақ мансаптық өсу үшін кең мүмкіндіктер береді.

Бүгінгі таңда Қазақстанның қаржы секторы экономикадағы инновациялардың драйвері болып табылады.

Қазақстан Республикасының Президенті Қасым-Жомарт Кемелұлы елімізді ауқымды саяси, әлеуметтік-экономикалық жаңғырту жүргізу қажеттігін жариялады. Бұл экономиканы әртараптандыруға, шағын және орта бизнесті дамытуға, адами капиталды дамытуға және халықтың табысын арттыруға бағытталған елеулі институционалдық және құрылымдық реформаларды жүргізуді талап етеді. Қазақстанның стратегиялық даму мақсаттарына қол жеткізу сапалы адами капиталдың болуын талап етеді. Бүкіл әлемде ақыл мен талант үшін бәсекелестік артып келеді.

Нархоз университеті жаһандық трендтерге сүйене отырып, бүгінде ел экономикасы үшін және ең алдымен қаржы нарығы үшін кадрлар ұстасы болып табылады. 2020 жылдан бастап университет қабырғасында қолданбалы қаржы бағдарламасы аясында мамандарды даярлау бойынша Ұлттық банкпен бірлескен жоба табысты жұмыс істеуде. Бағдарлама түлектері қаржы нарығында жоғары сұранысқа ие. Қазіргі уақытта Агенттік қатарында Нархоздың 170 түлегі жұмыс істейді, олардың 56-сы басшылық позицияда.

Кездесуде қаржы нарығына қатысушылар тарапынан қаржыландырылатын магистратура бағдарламасы бойынша қаржы секторы үшін мамандар даярлауға арналған жаңа гранттық бағдарлама іске қосылатыны жарияланды.

"Актуарий" бағдарламасы бойынша кадрлар даярлау жөніндегі тиісті үшжақты келісімге Агенттік, "Нархоз" Университеті және Сақтандыру төлемдеріне кепілдік беру қоры арасында 2023 жылғы 12 маусымда қол қойылды.

Өз тарапынан, келісім шеңберінде Агенттік магистранттарды даярлауға, оларға өндірістік практикадан өту үшін орындар беруге және оларды жұмысқа орналастыруға жәрдемдесуді жалғастырады.

• 20.06.2023
• 250