Елордалық жас құтқарушылар командасы Әзірбайжан Республикасына жарысқа аттанады

Қазақстан Республикасының ТЖ министрі генерал-майор Сырым Шәріпханов жас құтқарушылармен кездесіп, жарыста сәттілік тіледі.  Жаңа білім мен дағдыларға ие болып, Әзірбайжан Республикасындағы халықаралық жарыста жаңа таныстықтар табуды тіледі.

Әзербайжан Республикасында жалпыұлттық көшбасшы Гейдар Әлиевтің туғанына 100 жыл толуына орай ұйымдастырылған "Жас құтқарушы" Халықаралық балалар-жасөспірімдер жарысы өтеді, оған Қазақстан Республикасы Төтенше жағдайлар министрлігінің командасы да шақырылды.

Жарыс 2023 жылғы 23 маусым мен 3 шілде аралығында Әзірбайжан Республикасының Гябяля қаласында өтеді, онда біздің еліміздің атынан Астана қаласының "Жас құтқарушылар" командасы қатысады.

Жас құтқарушыларымызға сәттілік, жеңіс, өздеріне деген сенім мен жігер тілейміз!

• 23.06.2023
• 163