Қазақстан Республикасы Қаржылық мониторинг агенттігінде мемлекеттік және құқық қорғау органдарының қатысуымен КЖ/ТҚҚ ведомствоаралық кеңесінің кезекті отырысы өткізілді, онда КЖ/ТҚҚ бойынша Еуразиялық топтың өзара бағалауын Қазақстан Республикасының өтуі бойынша екі жылдық жұмыстың қорытындылары шығарылды.

Жылыстатуға қарсы жүйенің барлық қатысушыларының осы жұмысқа тиімді өзара іс-қимылының арқасында Қазақстан елі Алматы қаласында 4-9 маусым аралығында өткен ЕАТ-тың 38-ші пленарлық отырысында өзара бағалау туралы есепті (бұдан әрі - Есеп) сәтті қорғады.

Бағалау қорытындысы бойынша жекелеген мемлекеттік реттеуші-органдар қызметінде елеулі прогресс атап өтілді. Осылайша, ҚНРДА, ҰБ және АХҚО алдын алу шараларын тиімді қолдануды және бақылаудағы субъектілерді қадағалауда тәуекелге бағдарланған тәсілді қолдануды көрсетті.

Есепте сарапшылар Агенттіктің Экономикалық тергеу қызметінің жұмысын экономикалық қылмыстарға қарсы күресте, сондай-ақ қылмыстық кірістерді жылыстату саласындағы тергеулерде тиімді алдын алу шараларын жүзеге асыратын жетекші органдардың бірі ретінде оң атап өтті.

Сыбайлас жемқорлыққа қарсы қызметтің, ұлттық қауіпсіздік және ішкі істер органдарының қызметінде параллельді қаржылық тергеулерді практикаға тиімді енгізумен байланысты елеулі прогресс байқалады.

Сарапшылардың пікірінше, еліміздің Бас прокуратурасы уақтылы өзара құқықтық көмек көрсетуге мүмкіндік беретін халықаралық ынтымақтастық құралдарының кең спектріне ие.

Жалпы, есепте Қазақстанның жылыстатуға қарсы жүйесінің мықты жағы барлық деңгейлердегі тиімді ведомствоаралық өзара іс-қимыл болып табылатыны айтылған.

ВАК мүшелері КЖ/ТҚҚ ұлттық жүйесін одан әрі жетілдіру және есеп қорытындылары бойынша анықталған кемшіліктерді жою жөніндегі жұмысты жалғастыру қажеттігі туралы келісті.

Қорытындылай келе, Агенттік төрағасының бірінші орынбасары –ВАК төрағасы барлық ведомстволарға, қаржы мониторингі субъектілерінің, қоғамдық бірлестіктер мен коммерциялық емес ұйымдардың өкілдеріне өзара бағалаудан өту процесіне қосқан үлесі үшін тағы да алғыс айтып, осы жұмысқа белсенді қатысқан тұлғаларға ведомстволық наградалар мен құрмет грамоталарын табыс етті.

• 23.06.2023
• 190