Бас прокуратураның 1-жартыжылдық қорытындысы бойынша алқа отырысы туралы

Өткен аптада прокуратура органдарының биылғы бірінші жартыжылдықтағы жұмысы қорытындыланды.

Прокурорлардың негізгі қызметі азаматтардың конституциялық құқықтарын қорғау, қылмысқа қарсы күрес, қылмыстық процесті жаңғырту, азаптаудың алдын алу, бизнесті қорғау жөніндегі міндеттерді орындауға бағытталғанын атап өтілді.

Прокурорларға қылмыстың, әсіресе оның ұйымдасқан нысандарының алдын алу, отбасылық-тұрмыстық зорлық-зомбылықтың, балаларға қарсы жыныстық қылмыстардың, алаяқтық пен есірткі саудасының алдын алу жөніндегі уәкілетті органдардың жұмысын үйлестіруді күшейтуді тапсырдым.

Президент тапсырмасы бойынша әзірленген заңсыз сатып алынған активтерді мемлекетке қайтару бойынша Парламент жақында қабылдаған заң жобаларының пакетін іске асыру шеңберінде активтерді қайтару жөніндегі жұмысты тиісінше ұйымдастыру қажеттігіне назар аудардым.

Бизнесті қорғау жөніндегі жұмыс шеңберінде Мемлекет басшысының инвестициялық жобаларды сүйемелдеу жөніндегі тапсырмасының сапалы орындалуын қамтамасыз етуді айттым.

Сондай-ақ, халықты толғандыратын мәселелерді шешуде белсенді шаралар қабылдаудың маңыздылығын атап өттім. Олардың қатарында еңбек даулары, тығыздалған құрылыс, жерді ұтымды пайдалану, жайылым тапшылығы, сумен жабдықтау, коммуналдық мәселелер және т. б. бар.

Отырыс қорытындысы бойынша облыстардың барлық прокурорлары елдегі заңдылықты нығайту, азаматтардың конституциялық құқықтарын, қоғам мен мемлекеттің мүдделерін қорғау жөнінде жан-жақты шаралар қабылдағанын атап өттім.

• 27.06.2023
• 177