Қазақстан Республикасының Тәуелсіздік күні құтты болсын!

Құрметті әріптестер!

Сіздерді келе жатқан Тәуелсіздік күнімен құттықтаймын!

Биыл Республикамыз егемендік алғанына 29 жыл толды. Осы аралықта Қазақстан небір қиын-қыстау күндерді бастан өтікізіп, талай жетістіктерге де жетті.

Бүгінде Қазақстан Республикасы – әлемнің кез-келген елімен терезесі тең, керегесі кең тұрып, қарым-қатынас жасайтын суверенді мемлекет. Біз -  тұрақты түрде алға ұмтылып, дамып келе жатқан болашағы зор жас елміз.

Тәуелсіздік – біздің ең басты құндылығымыз. Ол бізге оңай келген жоқ. Ғасырлар бойы бабаларымыз аңсап келген азаттық туы тек 20 ғасырдың аяғында  ғана желбіреді.

Бүгінгі ұрпақ, біздің толқынның басты міндеті – осы тәуелсіздігімізді тұғырлы,  бақытымызды баянды ету.

Мемлекеттік қызметші ретінде мемлекеттік міндеттерді шешіп, елімізге еңбек ету үшін, біз, ең алдымен, жанымыз мен тәніміз сау, рухымыз мықты болу керекпіз.

Еліміздің әр азаматы аман-сау, бақытты болса,  қоғам да, мемлекет те кемел болады. Сол себепті, Сіздердің әрқайсыңызға мықты денсаулық, отбасылық  бақыт және қызметте жетістіктер мен сәттіліктер тілеймін!

• 15.12.2020
• 393