Қазақстан Республикасындағы Бала құқықтары жөніндегі уәкілмен кездесуі туралы

Қазақстан Республикасындағы Бала құқықтары жөніндегі уәкіл Динара Закиевамен кездестім.

Кәмелетке толмағандардың құқықтарын қорғау саласындағы жұмыс және отбасылық-тұрмыстық зорлық-зомбылық үшін жауапкершілікті күшейтуге бағытталған заңнамалық өзгерістер туралы хабардар еттім.

Балаларға қатысты жыныстық қылмыстар туралы қылмыстық істерді тергеудің тиімділігін арттыру шараларын талқыладық. 

Әрбір осындай іс бойынша қылмыс тіркелген сәттен бастап әрекет ететін «ерекше қадағалау» тетігі белгіленген.

Өз кезегінде Динара Закиева балалардың, оның ішінде ата-анасының қамқорлығынсыз қалған балалардың құқықтарын қорғау тетіктерін нығайту жөніндегі өз көзқарасымен бөлісті және заңнаманы жетілдіру жөнінде ұсыныстар енгізді.

• 11.07.2023
• 198