Біріккен Араб Әмірліктерінің Әділет министрі Әл Нуаймимен кездесу туралы

Бүгін Біріккен Араб Әмірліктерінің Әділет министрі Абдулла Сұлтан бин Ауад Әл Нуаймимен кездестім.

Қылмыстық-құқықтық саладағы екіжақты ынтымақтастықтың, атап айтқанда іздеудегі адамдарды экстрадициялаудың, қылмыстық істер бойынша құқықтық көмек көрсетудің, терроризмге қарсы күрестің және елден заңсыз шығарылған активтерді қайтарудың бірқатар мәселелерін талқыладық.

Қазақстандағы негізгі заңнамалық реформалар, қадағалау органының басым бағыттары және халықаралық-құқықтық ынтымақтастықты дамыту туралы хабардар еттім.

Ведомстволар арасындағы өзара іс-қимылды арттыруға қосымша серпін беретін бүгінгі кездесудің маңыздылығын атап өттім.

Өз кезегінде Абдулла Сұлтан бин Ауад Әл Нуайми құқықтық саладағы екіжақты қатынастарды нығайтуға қызығушылық білдірді.

Қазіргі жаһандық сын-қатерлерге қарсы күресте әріптестік туралы уағдаластыққа қол жеткізілді.

• 12.07.2023
• 238