Эгмонт тобының (ЭТ) 29-шы пленарлық отырысы 3-7 шілде аралығында Абу-Даби қаласында өтті

Пленарлық отырыстың тақырыптық талқылауы құпиялылықты арттыратын технологияларды пайдалану, жасанды интеллектті қолдану және қаржылық барлаудың тиімдірек өзара әрекеттесуі үшін блокчейн технологиясын пайдалану сияқты көптеген мәселелерге арналған.

Делегация басшылары ЭТ-ның 4 жаңа мүшесін қабылдады (Зимбабве, Лаос, Ирак, Лесото), нәтижесінде ұйым мүшелерінің жалпы саны 170 мүшеге жетті. Ұйым төрағасының жаңа орынбасары қызметіне екі жылдық мерзімге Бахрейннің ұлттық қаржылық барлау орталығының басшысы Мэй Әл-Халифа ханым сайланды.

Эгмонт тобының жаңартылған it-жүйесінің құжаттар пакеті бекітілді.

4 Жұмыс тобының отырысы, 8 өңірлік топтың отырысы және жобалық топтар мен оқу сессияларының бірқатар отырыстары өткізілді.

Пленарлық апта аясында қаржы мониторингі агенттігі Оңтүстік Африканың қаржылық барлау орталығымен (ЦФР) өзара түсіністік туралы Меморандумға қол қойды. Қазақстандық тарап "Еуразия"өңірлік тобына көрсеткен қолдауы үшін Оңтүстік Африка Орталық комитетінің төрағасы – директоры Ксолисилье Ханильерге алғысын білдірді.

Тараптар қылмыстық кірістерді жылыстатуға және терроризмді қаржыландыруға қарсы іс-қимыл саласындағы екі елдің ҚББ ынтымақтастығын одан әрі нығайтуға дайын екендіктерін білдірді.

Анықтама: "Эгмонт" тобы-әлемнің қаржылық барлау бөлімшелерінің (ҚББ) халықаралық кәсіби бірлестігі. "Эгмонт" тобының мақсаты-ақшаны жылыстатуға және терроризмді қаржыландыруға қарсы күрес мақсатында, сондай-ақ АЖ/ТҚҚ бойынша ішкі бағдарламаларды іске асыруға жәрдемдесу мақсатында бүкіл әлемде ҚББ-ның тиімді өзара іс-қимылы үшін алаңды қамтамасыз ету.

• 13.07.2023
• 125