Қазақстан Республикасының Тәуелсіздік күнімен!

Қазақстан халқының ұлық мерекесі – Тәуелсіздік күнімен шын жүректен құттықтаймын! 

16 желтоқсан – ата-бабаларымыздың ғасырлар бойы аңсаған асқақ арманы ақиқатқа айналып, егеменді еліміздің еркін дамуына айқара жол ашылған күн. Сондықтан Отанымыздың әрбір азаматы үшін бұл күн аса қасиетті де қастерлі мереке. Ынтымақ пен татулықты ту еткен бейбіт мемлекетіміз 29 жылда көптеген белестерді бағындырды. Осы уақыт ішінде тәуелсіз Қазақстан – білімі мен ғылымы, экономикасы мен өнеркәсібі қарышты дамыған, мәртебесі биік, тұғыры берік, әлем таныған іргелі мемлекетке айналды.

Еліміздің басты құндылықтары – тәуелсіздігіміз, келісім мен бірлігіміз нығая берсін дей келе, Сізге ақ ниетпен зор денсаулық, еңбегіңізге жеміс, отбасыңызға бақ-береке тілеймін! Аспанымыз ашық, Отанымыз тыныш, еліміз аман, келешегіміз кемел болсын!

• 16.12.2020
• 302