Ақшаларды жылыстатуға қарсы күрес жөніндегі Азия-Тынық мұхиты тобының (АТМ) жыл сайынғы отырысы ағымдағы жылдың 9-14 шілдесі аралығында Ванкувер қаласында (Канада) өтеді.

Ауқымды іс-шараға Агенттік Төрағасының Бірінші орынбасары Ғабит Садырбеков бастаған ҚР ҚМ делегациясы қатысады.

Ағымдағы жылдың 11 шілдесінде жалпы отырыс шешімінің қорытындысы бойынша Қазақстан осы ұйымда байқаушы мәртебесіне ие болды.

Бүгінгі таңда Қазақстан қылмыстық кірістерді заңдастыруға және терроризмді қаржыландыруға қарсы іс-қимыл жөніндегі Еуразиялық Топтың (ЕАТ) толыққанды мүшесі болып табылады.

Байқаушы мәртебесін алу Қазақстан Республикасына АТМ іс-шараларына қатысуға құқық береді, бұл өз кезегінде АЖ/ТҚҚ саласындағы үрдістер мен жағдайлық зерттеулер туралы ақпарат алмасуға мүмкіндік береді және осы өңірдің елдерімен тиімді өзара іс-қимылды қамтамасыз етеді.

Мұндай мәртебе қазақстандық сарапшы-бағалаушылардың АТМ елдерінің өзара бағалауына қатысуына мүмкіндік береді.

Агенттік ішкі және халықаралық деңгейде "жууға қарсы" жүйені тиімді жақсарту мақсатында халықаралық ынтымақтастықты одан әрі нығайтуға ниетті.

Қазақстан Республикасымен қатар БАӘ АТГ-ның ағымдағы пленарлық отырысында байқаушы мәртебесін алды.

Анықтама: АТМ ФАТФ ұсынымдарын қабылдауды, енгізуді және сақтауды қамтамасыз ететін ФАТФ типі бойынша өңірлік топ болып табылады. АТМ хатшылығы орналасқан Сидней Австралия. АТМ мүшелері 41 мемлекет болып табылады.

• 14.07.2023
• 127