Жезқазған және Балқаш ЖЭО-да ақаулы манометрлер анықталды

Техникалық реттеу және метрология комитетінің төрағасы Қуаныш Елікбаев Комитет пен оның аумақтық органдары қызметінің6 айдағы қорытындылары туралы есеп берді.

Төрағаның айтуынша, ағымдағы жылдың 6 айында Комитет бұзушылықтарды жоюға 34 ұйғарым берді және жалпы сомасы
113 млн.теңгеге 136 хаттама шығара отырып, әкімшілік іс қозғалды.

Мәселен, Ұлытау облысында Жезқазған және Балқаш қалаларының ЖЭО тексеру кезінде техникалық манометрлер, қысым датчиктері (40 бірлік) тексеру мерзімі өткен кезде қолданылатыны анықталды. «ҚТЖ» ҰК» АҚ – «магистральдық желінің Алматы бөлімшесі» филиалының темір жолында
70 өлшеу құралдары (Ток трансформаторы, манометрлер, есептегіштер) қолдануға жарамсыз деп танылды.

Қарағанды облысында 7 шахтаның қызметін тексеруде тексеру мерзімі өткен 100-ге жуық өлшеу құралдарын (мысалы: техникалық, торлы және скиптік манометрлер, желдеткіш көтергіштер және т.б.) қолдану фактілері анықталды.

Сондай-ақ, Комитет зергерлік бұйымдарды сатудың 1099 субъектісіне бармай-ақ профилактикалық бақылау жүргізді.

«723 жағдайда бұзушылықтар анықталды, яғни 70%. Әңгіме қазақстандық таңбасы жоқ зергерлік бұйымдардың сатылғаны туралы болып отыр. Бүгінгі таңда 291 бұзушы бұл туралы мемлекеттік органға хабарлай отырып, барлық ескертулерді жойды, ал 34% растайтын құжаттарды ұсынбады және келесі жылы барып, кешенді тексеруге жататын болады»,- деді комитет төрағасы Қуаныш Елікбаев.

• 17.07.2023
• 118