2021 жылғы 1 қаңтардан бастап Қазақстанда микроқаржылық қызметті лицензиялау енгізіледі

Құрметті қазақстандықтар! 2021 жылғы 1 қаңтардан бастап Қазақстанда микроқаржылық қызметті лицензиялау енгізіледі. Агенттік бекіткен жаңа қағидалар барлық МҚҰ-ға, кредиттік серіктестіктерге және ломбардтарға қатысты болады. Бұл азаматтарды қорғау және микрокредиттеу нарығындағы алаяқтық тәуекелдерін барынша азайту үшін жасалды.

Жаңа талаптар бірқатар тармақтарды қамтиды, олардың ішінде:

• бухгалтерлік есеп жүргізуді автоматтандыру;
• ломбардтардың үй-жайлардың қауіпсіздігін қамтамасыз ету және техникалық нығайтылу жүйесі туралы мәліметтер ұсынуы;
• ломбардтарда заңсыз табылған заттардың айналымына қарсы іс-қимыл жөніндегі шаралар;
• басшы қызметкерлерде жоғары білімнің болуы;
• МҚҰ басшыларында алынбаған немесе өтелмеген соттылығының болмауы.

Сонымен бірге Лицензиялау қағидалары меншікті капиталдың ең аз мөлшерін сақтау туралы мәліметтердің ұсынылуын көздейді. Лицензия алу үшін көрсетілетін қызметті алушы микроқаржылық қызметті жүзеге асыруға өтінішті және басқа тиісті құжаттарды ұсынады.

Біз бұл шаралар нарықты жосықсыз МҚҰ мен ломбардтардан тазартуға мүмкіндік береді деп үміттенеміз, әсіресе бұл қаржылық пирамидаларды ұйымдастырған алаяқтардың әрекеттерінен мыңдаған қазақстандық зардап шеккен 2020 жылғы жанжалды оқиғалардың аясында аса өзекті.

Қаулының толық мәтінімен Агенттіктің ресми сайтында www.finreg.kz  мекенжайы бойынша «Агенттіктің НҚА» бөлімінде танысуға болады.

• 20.12.2020
• 348