Сауда қызметкерлері кәсіби мерекеде марапаттарға ие болды

Сауда қызметкері күніне арналған салтанатты іс-шара ҚР сауда және интеграция министрлігінде өтті. Сауданы дамытуға қосқан елеулі үлесі үшін және еңбектегі жоғары нәтижелері үшін «Еңбек сіңірген сауда қызметкерлері» өсбелгісімен сала өкілдері: Министрліктің, ведомстволық бағынысты ұйымдардың басшылары мен қызметкерлері және ҮЕҰ өкілдері марапатталды.

Жиналған қонақтарды ҚР сауда және интеграция министрінің міндетін атқарушы Арман Шакқалиев құттықтады. Ол әрбір сауда қызметкерінің саланы дамытуға қосқан жеке үлесін атап өтіп, Министрліктің бастамаларын қолдағаны және мемлекет үшін маңызды жобаларды бірлесіп іске асырғаны үшін алғысын білдірді.

«Өздеріңіз білетіндей, сауда кез келген мемлекеттің табысты дамуында шешуші рөл атқарады және экономикалық өсудің сөзсіз қозғалтқышы болып табылады. Бүгінгі таңда сауда саласы 1,5 миллионнан астам адамды жұмыс орындарымен қамтамасыз етеді, ал осы салада жұмыс істейтін кәсіпкерлік субъектілерінің саны шамамен жарты миллионды құрайды. Бұл өте маңызды цифр», - деп толықтырды Арман Шаққалиев.

Марапатталғандардың арасында ҚР сауда және интеграция вице-министрі Жанель Кушукова, сондай-ақ ҮЕҰ өкілі – Қазақстанның сауда кәсіпорындары қауымдастығының президенті Жібек Әжібаева және бөлшек сауда және қоғамдық тамақтану қауымдастығының президенті Марина Бошель бар.

«Мен сауда саласында 40 жылдан астам жұмыс істеп келемін. Назар аударғандарыңыз және құттықтағандарыңыз үшін алғыс білдіремін, әсіресе ҚР сауда және интеграция министрлігінің қабырғасынан марапатқа ие болғаныма өте қуаныштымын. Мемлекет пен бизнес бүгінде бір - біріне қызығушылық танытып отыр, біздің бірлескен қызметіміздің болашағы зор», - деді Жібек Әжібаева

• 25.07.2023
• 154