Мүмкіндігі шектеулі жандармен және қоғамдық ұйымдардың өкілдерімен тұрақты кездесіп тұрамын.

Мүмкіндігі шектеулі жандармен және қоғамдық ұйымдардың өкілдерімен тұрақты кездесіп тұрамын. Біз ерекше қажеттілігі бар адамдарға қолайлы жағдай жасау үшін бірлесіп жұмыс істейміз.

✔️Инватакси қызметін жеткізушілермен кездестім. Мәселен биыл инватакси саны екі еседен аса артты. Яғни 50 машинадан 113-ке дейін ұлғайды. Осы мақсатта инватакси қызметін сатып алу үшін биыл 875 млн теңге бөлінді. Бірақ мұның өзі де қаланың қажеттіліктерін толығымен қамти алмайды.

Негізгі проблема – мүгедектер арбасына таңылған жандар үшін инватакси ретінде пайдалануға болатын мамандандырылған көлік құралдарының болмауы. Жауапты басқармаға осы мәселені қазақстандық автоөндірушілермен бірлесе қарастыруды тапсырдым. Инватакси санын көбейту жұмысын ары қарай жалғастырамыз.

• 31.07.2023
• 174