Иондаушы сәулеленудің пайдаланылған көздері үшін қойма ашылды

Ядролық физика институтында иондаушы сәулеленудің пайдаланылған көздеріне арналған қойма ашылды. Жаңа нысанның ашылу салтанатына Канаданың Қазақстандағы елшісі Алан Хэмсон, АҚШ Бас консулының міндетін атқарушы Стефан Лэгли, Қазақстан Республикасы Энергетика министрлігі Атом және энергетикалық қадағалау және бақылау комитеті төрағасының орынбасары Медет Тарбаев, «Ядролық технологиялар қауіпсіздігі» ғылыми техникалық орталығының атқарушы директоры Ирина Тәжібаева, Институттың бас директоры Саябек Сахиев қатысты.

Пайдаланылған иондаушы сәулелену көздеріне арналған қойма 2022 жылы пайдалануға берілді және қазіргі заманғы қауіпсіздік талаптарына сәйкес келеді. Бұл нысанды құру ҚР Энергетика министрлігі, АҚШ Энергетика министрлігі және Канада Сыртқы істер министрлігі арасындағы ынтымақтастық бағдарламасының бір бөлігі болды. Қойманың жобалық қызмет ету мерзімі - 50 жыл. Нысанды жобалау АҚШ-тың Айдахо ұлттық зертханасы (INL) әзірлеген және ұсынған сило қоймасының тұжырымдамалық жобасының негізгі элементтерін қолдану арқылы жүзеге асырылды. Қойма медицина мен өнеркәсіпте қолданыстан шыққаннан кейін аймақтағы ампулалық иондаушы сәулелену көздерінің қауіпсіздігін қамтамасыз етуге мүмкіндік береді. Бұл нысанның ашылуы алдағы уақытта Алматы облысында ғана емес, жалпы Қазақстанда радиоэкологиялық жағдайды жақсартуға елеулі үлес қосады.

• 01.08.2023
• 160