Елімізде фермерлік жылыжай инспекциясы органының алғашқы аккредитациясы өтті

Елімізде аккредиттеудің жаңа бағыттары белсенді дамуда. Ұлттық аккредиттеу орталығы бас директорының 2023 жылғы 28 шілдедегі бұйрығымен «ҰлтССО» АҚ Астана филиалының инспекциялық органы МЕМСТ ISO/IEC 17020-2013 стандарты бойынша "Фермерлік жылыжайлар"инспекциясы саласында аккредиттелген.

Бұл Қазақстандағы фермерлік жылыжайлардың аккредиттелген инспекциясын дамытудағы маңызды қадам болып табылады, ол өндірілетін отандық азық-түлік ауыл шаруашылығы өнімдерінің сапасына тікелей әсер етеді.

Аккредиттеу саласына сәйкес аккредиттелген субъект жылыжайлардың жобалық және ілеспе құжаттамасын талдауды немесе сараптаманы, жылыжайларды жіктеуді, жылыжайлардың қаңқасын, жылыжайларды жабуға арналған материалдарды, олардың толықтығын, жылыту, желдету және салқындату жүйелерін, электрмен жабдықтау мен жарықтандыруды, су құбырын, кәрізді және жылыжайларды автоматтандыруды қамтитын инспекция ауқымында жұмыс істеуге, жылыжайларға техникалық қызмет көрсетуді, жөндеуді және т.б. бағалау қызметтерін жүргізуге құқылы.

Жылыжай шаруашылығы саласындағы алғашқы аккредиттелген инспекция субъектісінің пайда болуы еліміз үшін жоғары сапалы отандық өнімді өсіру, оны тұтынушыларға ел ішінде, экспортқа жеткізудегі мүмкіндіктер ашады.

• 07.08.2023
• 173