ЕАЭО халықаралық ынтымақтастық шеңберінде жоспарлы құжаттарды әзірлейді

ЕЭК пен халықаралық ұйымдар арасында жасалған меморандумдарды іске асыруға бағытталған іс-шаралар жоспарларының жобаларын талқылау бойынша ЕАЭО-ға мүше мемлекеттердің уәкілетті органдарының сараптамалық кеңесі өтті.

Атап айтқанда, бұл Шанхай ынтымақтастық Ұйымының Секретариаты және Азиядағы өзара іс-қимыл және сенім шаралары жөніндегі Кеңестің Секретариатымен меморандумдарға қатысты.

Аталған жоспарларды іске асыру ШЫҰ және АӨСШК өңірлеріндегі экономика салаларындағы өзекті даму үрдістерін қабылдауға, сондай-ақ Еуразиялық экономикалық одақты дамытуда біздің әріптестерімізбен жинақталған тәжірибемен бөлісуге мүмкіндік береді.

Жоспар жобасына көлік инфрақұрылымы мен логистика, өнеркәсіп, цифрландыру, агроөнеркәсіп және басқалар сияқты Қазақстан үшін өзекті және маңызды салалардағы ынтымақтастықты дамыту енгізілді.

Аталған ұйымдардың өңірлерінің іскер топтарымен және бизнес-қауымдастықтарымен байланыс орнату өткізу нарықтарының географиясын және экспортқа арналған қазақстандық тауарлар каталогын кеңейтуге қосымша серпін береді.

Бұдан басқа, ШЫҰ-мен ынтымақтастықты дамыту қазақстандық бизнестің әлемдік ЖІӨ-нің 30% - дан астамын, яғни 38,5 трлн $ және әлемдік сауданың 16% құрайтын мүше елдердің нарықтарына қол жеткізу мүмкіндігін ашады, немесе 5,5 трлн. $.

Талқылау қорытындысы бойынша жоспарлардың жобалары қазақстандық сарапшылардың ескертулерін ескере отырып, қосымша пысықтауға бағытталған.

• 10.08.2023
• 139