Бәсекелестікті дамыту кедергілері бойынша 57 сұрақ

Бүгінгі күні Бәсекелестікті қорғау және дамыту агенттігінің (БҚДА) Кедергілер жөніндегі кеңестері еліміздің барлық өңірлерінде құрылып, жұмыс істеп жатыр. Азғана уақыт ішінде осы алаңдарда бәсекелестікті дамытуға кедергі келтіретін 57 проблема көтеріліп, қаралды. Әрбір өңірде Кедергілер жөніндегі кеңеске 13 қатысушы кіреді, оның біреуі ғана – БҚДА-ның өкілі, қалғандары - бизнес, азаматтық қоғам өкілдері, сарапшылар. 20 желтоқсанда Ақтөбе қаласында тауар нарықтарына кіру кедергілерін анықтау және жою жөніндегі республикалық және өңірлік кеңестер мүшелерімен кеңейтілген кеңес өткіздік. Жұмыс нәтижелері және өңірлерде бәсекелестікке кедергі келтіретін ең өткір мәселелер талқыланды. Бәсекелестік – бұл абстрактілі ұғым емес, бұл Кедергілер жөніндегі кеңестерде анықталатын мыңдаған мәселе. Елімізде 5 мың нарық және оның әрқайсысында проблемалық мәселелер бар, бұл үлкен жұмыс. Кедергілер жөніндегі кеңестердің белсенді қызметі Қазақстандағы бәсекелестікті одан әрі дамытады деп сенемін.

• 22.12.2020
• 407