«Жайлы мектеп» жобасын іске асыруға кірістік.

✅«Жайлы мектеп» жобасын іске асыруға кірістік. Мемлекет басшысының тапсырмасына сәйкес елордада ұлттық жоба аясында 24 жайлы мектеп саламыз. Жаңа форматтағы оқу орындары екі ауысымда 90 мыңға жуық оқушыға арналған орын ашуға мүмкіндік береді.

✔️Мәселен 24 жайлы мектептің 15-і қарқынды дамып келе жатқан Нұра мен Есіл аудандарында орналасады. Сондай-ақ жайлы мектептер қаланың елді мекендерінде де болады.

Қазіргі уақытта 15 жайлы мектеп бойынша жұмыс басталды. Жер учаскелерін дайындау бойынша жұмыс жүріп жатыр: қоршаулар, инженерлік-геологиялық іздестіру, тіреулерді бітеу, құрылыс техникасын жұмылдыру және т.б.

✅Сол сияқты өзге де бірқатар мемлекеттік мектептің құрылысымен таныстым. Мәселен Тұран даңғылы мен №24 көшенің, Қарасай батыр мен Бұланты көшелерінің қиылысындағы, Көксеңгір көшесіндегі мектептер, сондай-ақ қазіргі №17 және №27 мектептердің жанындағы жаңа ғимараттар. Қазіргі уақытта 14 мектептің құрылысы жүріп жатыр, оның 11-і жаңа оқу жылы ішінде ашылатын болады. Мектептердің құрылысы жаңа аудандарда да, қаланың оң жағалауында да, елді мекендерде де жүргізіліп жатыр. Олардың бір бөлігі апатты жағдайдағы мектептерді алмастырады.

• 11.08.2023
• 188