Қазақстан мен Литва дамуға ресми көмек саласында ынтымақтастық орнатты

Вильнюс, 2023 жылғы 8 тамыз – «KazAID» қазақстандық халықаралық даму агенттігі және Литваның «CPVA» жобаларды басқару жөніндегі орталық агенттігі жобаларды бірлесіп іске асыру, Қазақстан мен Литва арасындағы дамуға ресми көмек (ДРК) саласындағы өңірлік ынтымақтастықты нығайту мақсатында өзара түсіністік және ынтымақтастық туралы меморандумға қол қойды.

Тараптар қазақстандық және литвалық агенттіктер арасындағы өзара әрекеттесу тәжірибе алмасу және Орталық Азия елдерінің тұрақты дамуына бағытталған бірлескен жобаларды іске асыру мәселелерінде үлкен әлеуетке ие екендігін атап өтті. Сондай-ақ, қазақстандық делегация сапары барысында Литваның Сыртқы істер министрлігі мен басқа да мемлекеттік және коммерциялық емес мекемелерімен кездесулер өткізді.

Сапар сыртқы контур бойынша әріптестік спектрін кеңейтуге және халықаралық қоғамдастықтың Қазақстан Республикасының тұрақты даму саясаты туралы хабардарлығын арттыруға бағытталған.

Аталған мәселелер Қазақстан мәдениеті мен тарихын ілгерілету үшін KazAID әлеуетін тиімді пайдалану қажеттілігіне орай өзекті болып отыр, бұл жөнінде ҚР Президенті Қасым-Жомарт Тоқаев 2023 жылы 17 маусымда Түркістанда болған «Әділетті Қазақстан – Адал азамат» атты ұлттық құрылтайының екінші отырысы кезінде атап өткен.

Анықтама: Литваның «CPVA» орталық жобаларды басқару агенттігі 2003 жылы Литва Республикасының Қаржы министрлігі жанынан құрылған, мемлекеттік бюджеттен, Еуропалық одақтан және басқа да халықаралық донорлардан қаржыландырылатын бағдарламалар мен жобаларды басқаруға жауапты. 

• 15.08.2023
• 177