Шығыс Қазақстан облысына жұмыс сапары

Шығыс Қазақстан облысында жұмыс сапарымен болдым. Өскемен жылу электр орталығының атмосфералық ауаны ластау деңгейін төмендету жұмыстарымен таныстық.Кәсіпорын ең үздік қолжетімді технологияларды енгізу арқылы ауаға шығатын қатты бөлшектерді 53,3%,күкірт диоксидін 17% төмендеткен.Дегенмен, жылу электр орталығының жұмыс технологиясын одан әрі жасылдандыра түсу қажет. Қысқа уақыт ішінде халық оның нәтижесін сезінуі тиіс.Әсіресе, қыста, желсіз ауа райында ластаушы заттың көп бөлігі ЖЭС-тан бөлінеді. Жылына шығарындылар 16 мың тоннаға дейін жетеді.Өскемен қаласы қоршаған орта ахуалы ең нашар үш өңірдің қатарына кіретінін ескере отырып, өңірдегі экологиялық шараларды күшейту аса маңызды.Өскеменде облыс әкімі Даниал Ахметовпен бірге өңірдің минералдық-шикізат базасын дамыту бойынша жиын өткіздік.Өңірдің барлық минералдық шикізат түрі анықталған десек болады.Алтын,күміс,мыс,цинк, қорғасын,титан және жер асты суларының үлкен қоры Шығыс Қазақстанда шоғырланған.Бұл өңірде 17-20 жылға ғана жететін пайдалы қазбалар қоры қалды.  Сондықтан геологиялық барлау жұмысы көлемін ұлғайтуымыз қажет. Бұл бағытта заманауи технология әдістерін қолдану маңызды. Инвесторларға қолайлы жағдай жасау арқылы үлкен нәтижелерге қол жеткізуге болады.Облыс әкімімен барлауды күшейту, қосымша қаржы тарту бойынша Жұмыс тобын құруға келістік.Оның құрамына саладағы ғалымдар, компаниялар, мемлекеттік органдар өкілдері кіреді.Жастарды геология саласына тартып, баулу да маңызды. «Қазгеология» облыстағы ЖОО-мен әріптестікті күшейтеді.

• 25.12.2020
• 251