Агенттік Халықаралық сақтандыру қадағалауы қауымдастығының Өзара түсіністік туралы көпжақты меморандумының мүшесі болды

Агенттік Халықаралық сақтандыру қадағалауы қауымдастығының (IAIS) Ынтымақтастық және ақпарат алмасу жөніндегі өзара түсіністік туралы көпжақты меморандумның (MMoU) 83-ші мүшесі болды.

IAIS MMoU-ны IAIS Атқарушы комитеті 2007 жылғы 15 ақпанда IAIS-ке  мүше сақтандыру реттеушілерінің ынтымақтастығы мен ақпарат алмасуын ынталандыру мақсатында бекітті.

IAIS MMoU сақтандыруды қадағалау органдары арасында ашық ынтымақтастық пен ақпарат алмасуға мүмкіндік беретін талаптар мен конфиденциалдылықты сақтаудың жаһандық шектерін қамтамасыз етеді. MMoU қатысушысы болу үшін үміткерлер IAIS мүшелерінің тәуелсіз тобы жүргізетін кәсіби құпия режимдерін қатаң бағалаудан өтеді. MMoU мүшелігінің арқасында қадағалау органдары тиісті ақпаратпен алмасып, келісімге қол қойған басқа тараптарға көмек көрсете алады, осылайша қаржылық тұрақтылыққа және тұтынушылардың мүдделері үшін және оларды қорғау үшін трансшекаралық сақтандыру операцияларын сенімді қадағалауға ықпал етеді.

IAIS MMoU-ға қосылу Агенттіктің сақтандыру саласындағы қадағалау функцияларын жүзеге асыру кезінде оның қызметінің тиімділігін арттыруға ықпал етеді, басқа елдердің қаржы нарығының реттеушілерімен ынтымақтастықты жеңілдетіп, кеңейтеді.

2009 жылғы маусымда бірінші юрисдикция қабылданғаннан бері мүшелер саны айтарлықтай өсті және қазіргі уақытта олардың үлесі жалпы әлемдік сақтандыру сыйлықақыларының төрттен үш бөлігін құрайды.

Құжатқа қол қойған халықаралық ұйымдардың толық тізімін және MMoU көшірмесін мына сілтемеден табуға болады: https://www.iaisweb.org/about-the-iais/mmou/.  

• 18.08.2023
• 121