Қаржы реттеушісі бірқатар МҚҰ-ға, ломбардқа және банкке шаралар қолданды

Құрметті  Қазақстандықтар!

Өздеріңізге белгілі, Агенттік микроқаржы ұйымдарының, банктердің және ломбардтардың қызметіне тұрақты негізде мониторинг жүргізеді. Ай сайын өз сайтымызда біз орындалған жұмыс туралы есепті жариялаймыз. Қараша айында да осындай жағдай болды, өткен айда қаржы реттеушісі «Халық банкіне», микроқаржы ұйымдарымен ломбардтарға қатысты ұсынымдық шара, 13 айыппұл және 14 жазбаша ұйғарым шығарды. Мониторинг миллионнан астам тұрғыны бар Нұр-Сұлтан, Алматы, Шымкент қаларында, сондай-ақ Қазақстанның облыс орталықтарында жүргізілді.

«Қазақстанның халық жинақ банкі» АҚ-қа қатысты ұсынымдық қадағалап ден қою шарасы қолданылды. Банк уәкілетті мемлекеттік орган бекіткен тәртіпте көзделген қарыз шарты бойынша өтеу кестесінің нысанын сақтамаған.Микроқаржылық қызметті жүзеге асыратын ұйымдарға жылдық тиімді сыйақы мөлшерлемесі мөлшерін арттырғаны үшін жеті жазбаша ұйғарым шығарылды. Микрокредит беру туралы  үлгі шарттардың ҚР заңнамасының талаптарына сәйкес келмегені үшін тағы жеті жазбаша ұйғарым жасалды. Ломбардтардың жылдық тиімді сыйақы мөлшерлемесінің мөлшерін көрсетпегені  үшін 13 айыппұл салынды. Сақтандырушылар арасында және бағалы қағаздар нарығында заңсыз әрекеттер фактілері бойынша заң бұзушылықтар болған жоқ.

2021 жылы әрбір қазақстандықтың қаржылық құқықтарын қорғау мақсатында ломбардтар, МҚҰ, банктер мен сақтандыру ұйымдарының қызметін бақылауды жалғастырамыз.

• 25.12.2020
• 388