Қазақстан Республикасының ғылым және жоғары білім министрі Саясат Нұрбек Абай облысына жұмыс сапары аясында Shakarim University жатақханаларының жай-күйімен танысып, жаңа оқу жылына дайындығын тексерді.

Университет басшысы Думан Орынбеков министрге үстіміздегі жылы жатақханалардың электр желілері, жылу жүйесі, есік - терезелері жаңартылғанын және ыстық сумен қамтамасыз етілгенін айтты.

Сонымен қатар, жатақханалар қазіргі заманға сай қажетті жабдықтармен, демалыс бөлмелері мен компьютерлік зал, теледидарлармен жабдықталған. Студенттердің қауіпсіздігін қамтамасыз ету мақсатында барлық жатақханалардың аумағында бейнебақылау камералары іске қосылған.

Бүгінгі күні, университетте 5 жатақхана 1000-ға жуық білім алушыны қамтамасыз етуге дайын. Білім ордасында ашылған ахуалдық орталық тәулік бойы білімгерлерді Студенттер үйіне орналастыру жұмыстары жүргізіліп жатыр.

Өз сөзінде Саясат Нұрбек оқу ордасының басшылық құрамына студенттерге барлық жағдайды жасап, жатақханасыз қалдырмауды тапсырды.

"Студенттер еліміздің болашағы. Оларға заман талабына сай білім, толағай тәрбие беру әрқайсымыздың міндетіміз" - деді ғылым және жоғары білім министрі.

• 28.08.2023
• 141