Азаматтар Серік Жұманғаринге бизнесті дамытудың мәселелері бойынша жүгінді

Ағымдағы жылдың 24 тамызда ҚР Премьер-Министрінің орынбасары – сауда және интеграция министрі Серік Жұманғарин алғаш рет азаматтарды қабылдау орталығының алаңында қабылдады.

Абдулкасым Тіллабеков, Солтүстік Қазақстан облысының ауылдық тұтыну кооперативінің өкілі. Кәсіпорын Қазақстанның солтүстігінде мал өсіруге арнайы бейімделген, құрамында пайдалы заттар көп жемшөп дақылдарын өсірумен және жемшөп, витаминді-минералды қоспалар өндірумен айналысады.

Айта кетейік, бұған дейін ол вице-премьердің қабылдауында болған болатын, оның қорытындысы бойынша Ауыл шаруашылығы министрлігіне әкімдікпен бірлесіп кәсіпорынды қолдаудың ықтимал шараларын қарастыру тапсырылды. Алайда қолда бар құралдар ауыл шаруашылығы техникасын сатып алуға өз қаражатының болмауына байланысты жарамсыз болып шықты.

Енді қайта қабылдауда Ауыл шаруашылығы вице-министрі Әбілқайыр Тамабек өтініш берушіге қаржы институтына арнайы шотқа субсидиялар аудара отырып, аванстық төлем тетігі бойынша инвестициялық субсидиялау бағдарламасына қатысуға кеңес берді. Аванстық төлем тетігі ауыл шаруашылығы тауарын өндірушілер ауыл шаруашылығы техникасын, машиналары мен жабдықтарын кредитке/лизингке сатып алған кезде бастапқы жарна мәселесін шешеді.

Вице-премьер Ауыл шаруашылығы министрлігіне «ҚазАгроҚаржы» АҚ-мен бірлесіп, ұсынылған бағдарламаның шарттарын түсіндіру және қажетті құжаттарды дайындау бойынша консультациялар беру үшін кәсіпкермен қосымша кездесу өткізуді тапсырды.

Екінші мәселе бойынша кәсіпкер Тимур Батыров ұлттық кәдесыйлар мен басқа да өнімдерді сату бойынша әлеуметтік бизнес-жобаны дамытуға қолдау көрсету туралы өтініш білдірді. Жоба мүмкіндігі шектеулі жандарды жұмыс орындарымен қамтамасыз етеді. Жобаны іске қосу үшін кәсіпкерге 30-ға жуық сауда нүктелерін орналастыру үшін жер учаскелерін жалға алу қажет.

Мәселені шешудегі өз ұстанымын Астана қаласы әкімінің орынбасары айтып, қолданыстағы заңнамаға сәйкес жер учаскелерін беру тетігі конкурс өткізу болып табылатынын түсіндірді.

Сонымен қатар, «Astana» ӘКК» АҚ павильондарды сауда нүктелеріне орналастыру нұсқаларын қарастыруға дайын. Ол үшін өтініш беруші «I-QALA» қалалық қызмет көрсету орталығына және «Астана қаласының сәулет, қала құрылысы және жер қатынастары басқармасы» ММ-не жүгінуі қажет.

Жер учаскелерін бөлу туралы мәселе оң қаралған кезде әкімдік кейіннен веб-порталда тендер (аукцион) өткізе отырып, сәйкестендіру құжаттарын алу және ресімдеу бойынша жұмыстар жүргізетін болады www.gosreestr.kz.

Қабылдау қорытындысын қорытындылай келе, Серік Жұманғарин кәсіпкерге жобаны елдің басқа туристік орындарында ілгерілету мүмкіндігін ескере отырып пысықтауды, сондай-ақ неғұрлым егжей-тегжейлі талқылау үшін әкімдікке жүгінуді ұсынды.

• 29.08.2023
• 131