Қазақстан Республикасы Сыртқы істер министрлігінің мәлімдемесі

Қазақстан Республикасы 2020 жылғы 24 желтоқсанда Еуропалық Одақ пен Ұлыбритания қол жеткізген Сауда және ынтымақтастық туралы келісімін құптайды.

Екі тарап - Қазақстанның ірі және маңызды серіктестері. Біз аталған уағдаластықтар Брюссель және Лондонмен қарым-қатынастарымызды нығайту үшін жаңа мүмкіндіктер ашады деп пайымдаймыз.

Біз 2020 жылдың 1 наурызында күшіне енген Еуропалық Одақпен Кеңейтілген әріптестік пен ынтымақтастық туралы келісімімізді жоғары бағалаймыз және 2021 жылы Ұлыбританиямен стратегиялық әріптестік пен ынтымақтастық туралы жаңа екіжақты келісімге қол қоюды көздейміз.

• 29.12.2020
• 414