Қымбатты отандастар!

Санаулы сәттерден соң біз Жаңа 2021 жылға қадам басамыз. Баршаңызды келе жатқан Жаңа жылмен шын жүректен құттықтаймын! Жаңа жыл – барша жұрт айрықша сезіммен, көтеріңкі көңіл-күймен қарсы алатын жарқын мейрамның бірі. Әрбір азамат, әрбір шаңырақ Жаңа жылдан жақсылық күтеді. Осы ретте екі жылдың тоғысқан сәтінде айтылатын ақ тілектің орны бөлек.

Табалдырықтан аттағалы тұрған Жаңа жыл табысты да тағылымды жыл болсын! Қазақ жерінде жағымды жаңалықтар мен телегей табыс мол болсын! 2021 жыл – жаңа жетістіктер мен жеңістердің жылы болады деп сенім білдіремін! Еліміз аман, жұртымыз тыныш болсын!

Баршаңызға зор денсаулық, мол бақыт, сарқылмас табыс пен қуаныш тілеймін! Жаңа жыл құтты болсын!

• 29.12.2020
• 522