ВИЦЕ-МИНИСТР КАМИЛЬ АҚАТОВ КАТАРДЫҢ ЖЕТЕКШІ ЖОҒАРЫ ОҚУ ОРЫНДАРЫНЫҢ БАСШЫЛАРЫМЕН КЕЗДЕСТІ

Катар астанасы Дохаға сапары аясында ҚР Ғылым және жоғары білім вице-министрі Камиль Ақатов Qatar Foundation штаб-пәтерінде болып, қордың жобаларымен, оның ішінде Education City академиялық хабының қызметімен танысты. Сонымен қатар вице-министр Катардың жетекші жоғары оқу орындары – Qatar University, Hamad bin Khalifa University басшыларымен кездесті.

Іс-шара барысында тараптар екі елдің ғылым және жоғары білім саласындағы тәжірибесімен алмасу бойынша ынтымақтастықты, оның ішінде студенттермен алмасу мен академиялық ұтқырлық, шетелдік жоғары оқу орындарының филиалдарын ашу бойынша тәжірибе алмасу мәселелерін талқылады. Сондай-ақ, ғылымның перспективті бағыттары бойынша бірлескен зерттеулер жүргізу мүмкіндігі қарастырылды.

• 05.09.2023
• 208