Сақтандыру төлемдеріне кепілдік беру қорының 20 жылдығына арналған бірінши сақтандыру форум өткізу туралы

ҚР Қаржы нарығын реттеу және дамыту агенттігі (бұдан әрі – Агенттік) 2023 жылғы 7-8 қыркүйекте Сақтандыру төлемдеріне кепілдік беру қорының (бұдан әрі – Қор) 20 жылдық мерейтойына арналған бірінші Халықаралық форум өтетінін хабарлайды.

Қор құрылған сәтінен бастап сақтанушыларды қорғайды және сақтандыру ұйымы таратылған кезде сақтандыру төлемдерін жүзеге асыру кепілдігін қамтамасыз етеді.

Бірінши сақтандыру Форум өткізудің мақсаты тәжірибе алмасу, өзекті мәселелер мен міндеттерді талқылау, сондай-ақ сақтандыру өнімдерін дамытудың перспективалары мен бағыттарын айқындау үшін отандық сақтандыру нарығының барлық қатысушылары мен халықаралық сарапшыларды біріктіру болып табылады.

Форумда Қазақстан сақтандыру нарығының, Агенттіктің, Қазақстан қаржыгерлері қауымдастығының, International Forum of Insurance Guarantee Schemes (IFIGS), Property and Casualty Insurance Compensation Corporation (PACICC), Perbadanan Insurans Deposit Malaysia (PIDM) сияқты халықаралық ұйымдардың, Халықаралық сақтандыру қадағалаулары қауымдастығының, сондай-ақ сақтандыру нарығы шетелдік реттеушілерінің өкілдері қатысады.

Іс-шара аясында сақтандырудың түрлі бағыттары: сақтандыру төлемдеріне кепілдік беру жүйесін дамыту, нарықты реттеудің заманауи халықаралық тәжірибесін енгізу, сақтандыру қызметтерін цифрландыру және автоматтандыру бойынша панельдік сессиялар жоспарланған.

Форум Алматы қаласы, Желтоқсан көшесі, 181 мекенжайындағы «InterContinental Almaty» қонақ үйінде өтеді.

• 06.09.2023
• 175