Жеке компаниялар қазақстандықтардың зейнетақы жинақтарын қалай басқарады

Құрметті қазақстандықтар!

Көп адамды қазір зейнетақы жинақтарының бір бөлігін жеке сенімгерлік басқаруға беру мәселесі қызықтырады. Бұл туралы толығырақ айтып берейін.

Өздеріңізге белгілі, 2021 жылы Қазақстанның азаматтарына инвестициялық портфельді басқарушы компанияларға өздерінің зейнетақы жинақтарының бір бөлігін беру мүмкіндігі ұсынылады. Сіз қандай да болмасын басқарушы компанияны дербес таңдай аласыз. Зейнетақы активтерін реттеушінің лицензиясы бар компаниялар басқаратынын атап өтемін.

Қаражатыңыздың сақталуын   қамтамасыз ету үшін компанияларға тиісті реттеушілік талаптар белгіленеді. Атап айтқанда: меншікті капитал жеткіліктілігіне, зейнетақы активтерінің ең аз кірістілігіне, инвестициялық портфельді басқару тәжірибесіне (кемінде үш жыл), сондай-ақ қазақстандықтардың зейнетақы жинақтары инвестициялануы мүмкін қаржы құралдарының сапасы мен лимиттеріне талаптар.

Салымшыларда қаражатты Ұлттық Банкке қайтару немесе басқа компанияға аудару мүмкіндігі сақталатыны маңызды. Бұл азаматтардың қаржылық сауаттылығын және олардың қаржы құралдарын біліп-тануға деген ұмтылысын арттырады.

Зейнетақы активтерінің бір бөлігін жеке басқарушы компанияларға беру инвесторлардың институционалдық сегментін нығайтуға әкеледі және еліміздің қор нарығының дамуына оң әсер етеді деп күтеміз.

• 30.12.2020
• 297