2023 жылғы 4-6 қыркүйек аралығында Қырғыз Республикасында қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл жөніндегі Еуразиялық Топтың (ЕАТ) III Форумы өтуде.

Халықаралық және өңірлік ұйымдардың өкілдерін қоса алғанда, Форумға КЖ/ТҚҚ саласындағы жетекші сарапшылары қатысты.

Форум қатысушылары сыбайлас жемқорлық қылмыстарынан және мемлекеттік қызмет мүдделеріне қарсы қылмыстардан алынған қылмыстық кірістерді жылыстату саласындағы қылмыстық істерді тиімді анықтауды, тергеуді және сотта қарастыруды қамтамасыз етуге байланысты өзекті мәселелерді талқылады.

Қатысушылар Біріккен Ұлттар Ұйымының терроризмге қарсы басқармасы мен ЕАТ бірлескен семинары шеңберінде виртуалды активтерді КЖ/ТҚ-да пайдалануға қарсы іс-қимыл бойынша қылмыс жасау типологияларын, КЖ/ТҚ-ға қарсы іс-қимыл жөніндегі құзыретті органдар арасындағы ведомствоаралық және халықаралық өзара іс-қимылды талқылады.

Қазақстан Республикасы Қаржылық мониторинг агенттігінің өкілі өз кезегінде КЖ/ТҚ-да виртуалды активтерді пайдалануға қарсы іс-қимыл бойынша тәжірибесімен бөлісті.

• 06.09.2023
• 161