ҚР Сыртқы істер министрінің орынбасары Қатардың Елшісін қабылдады

Астана, 2023 жылғы 5 қыркүйек – Қазақстан Республикасы Сыртқы істер министрінің орынбасары Әлібек Бақаев Қатар Мемлекетінің Қазақстандағы Елшісі Абдулазиз бен Султан Әл-Румейхимен кездесті.

Келіссөздер барысында сұхбаттастар саяси, сауда-экономикалық, инвестициялық және мәдени-гуманитарлық салалардағы екіжақты ынтымақтастықтың қазіргі жағдайы және оны әрі қарай дамытудың келешегін, сондай-ақ халықаралық және өңірлік ұйымдар, олардың ішінде БҰҰ, Азық-түлік қауіпсіздігі жөніндегі ислам ұйымы және Азиядағы өзара іс-әрекет және сенім шаралары жөніндегі кеңес аясында екі ел арасындағы өзара ықпалдастықты талқылады.

Кездесу қорытындысы бойынша тараптар Астана мен Доха арасындағы әріптестікті нығайту мақсатында екі елдің сыртқы саяси ведомстволары деңгейінде байланыстардың жоғары деңгейін қолдауға келісті.

Биыл Қазақстан мен Қатар дипломатиялық қатынастардың орнағанына 30-жылдығын толуын атап өтуде. Ынтымақтастықтың үш онжылдығы ішінде елдер екіжақты өзара іс-қимылдың барлық спектрі бойынша тығыз байланыс орнатты.

• 07.09.2023
• 139