Чехияның Қазақстандағы жаңа Елшісі сенім грамоталарының көшірмесін табыс етті

Астана, 2023 жылғы 6 қыркүйек – Қазақстан Республикасы Сыртқы істер министрінің орынбасары Роман Василенко Чех Республикасының Қазақстандағы жаңадан тағайындалған елшісі Павел Шепеляктан сенім грамоталарының көшірмесін қабылдады.

Дипломаттар сауда-экономикалық және инвестициялық ынтымақтастықты кеңейту және 2023 жылғы сәуірде Чехияның Премьер-министрі Петр Фиаланың Астанаға ресми сапары барысында қол жеткізілген уағдалыстықтарды іске асыру мәселелеріне ерекше басымдық бере отырып, Қазақстан мен Чехия арасындағы әріптестіктің бүкіл спектрін дамыту перспективаларын талқылады.

Бірлескен іс-шараларды, соның ішінде ү.ж. қазанда Чехияның Ауыл шаруашылығы министрі Марек Выборныйдың және 2024 жылы Чехияның Сыртқы істер министрі Ян Липавскийдің Қазақстанға жоспарланған сапарлары және Пржевальский жылқыларын реинтродукциялау жобасын іске асыру  туралы пікір алмасты.

Кездесу соңында Чехия елшісі жылы қабылдау үшін алғыс айтып, екі мемлекет арасындағы кең серіктестікті одан әрі нығайту үшін бар күш-жігерін салуға дайын екенін атап өтті.

• 07.09.2023
• 139