Аудандарымыз бен елді мекендеріміздің тұрғындарымен тұрақты кездесіп тұрамын.

Пригородный елді мекенінің (Есіл ауданы) тұрғындарымен кездестім. Өткен кездесудің қорытындысы бойынша біз «Жол картасын» жасаған едік, онда 30-дан аса түрлі мәселе қарастырылды. Бүгінгі кездесуде осы мәселелерге жан-жақты шолу жасалды: 19 мәселе шешілді, тағы 12-сін шешу жұмысы жүріп жатыр.
Кездесуде тұрғындар өзекті мәселелер көтерді: жолдар, аулалар мен қоғамдық кеңістіктер салу, апатты жағдайдағы ескі тұрғын үйлерді бұзу, газдандыру, әлеуметтік нысандар салу және т.б.
✔️Мәселен 2024-2025 жылдары ұлттық жоба аясында қаламызда 24 жайлы мектеп саламыз. Оның 15-і Есіл және Нұра аудандарында орналасады, сол сияқты жаңа форматтағы мектеп Пригородный елді мекенінде де болады.
✔️Сонымен қатар кездесу барысында тұрғындар бассейн мәселесін көтерді. Қалада бассейнге деген қажеттілік бар. Алдағы 3 жылда Мемлекет басшысының тапсырмасына сәйкес 15 оқушылар сарайын салуды жоспарлап отырмыз. Олардың бірі Пригородный елді мекенінде орналасады, тиісінше онда бассейн де болады.
✔️Елді мекендердегі өзекті мәселелердің бірі – апатты жағдайдағы тозығы жеткен тұрғын үйлерді бұзу. 2024 жылы мұндай үйлерден тағы 700 тұрғынды көшіруді жоспарлап отырмыз.
Бүгінгі тұрғындармен кездесуден кейін ең алдымен қандай мәселелерді шешуіміз керек екенін анықтайтын боламыз.

• 11.09.2023
• 132