ӘУЕЗОВ УНИВЕРСИТЕТІ МЕН ТӘЖІК ТЕХНИКАЛЫҚ УНИВЕРСИТЕТІ АРАСЫНДА КЕЛІСІМГЕ ҚОЛ ҚОЙЫЛДЫ

Душанбе қаласында М. Әуезов атындағы Оңтүстік Қазақстан университеті мен академик М. С. Осими атындағы Тәжік техникалық университеті арасында келісімге қол қойылды.

Келісім аясында ғылым-білім беру саласында ынтымақтастық орнату, ғылыми-зерттеу және өндірістік қызмет бойынша мамандар даярлау, ғылыми-педагогикалық және өндірістік ұжымдар арасындағы қатынастарды жақындастыру және дамыту, ғалымдар, жас мамандар, докторанттар, магистранттар мен бакалаврлар білім беру бағдарламалары бойынша тағылымдамадан өту, қызметкерлердің біліктілігін үздіксіз арттыру, бірлескен бағдарламаларды әзірлеу мақсатында әлемдік ғылыми, өндірістік және білім беру кеңістігі тараптарының интеграция процесін жандандыру мақсаты қойылып отыр.

Айта кетейік, 13-14 қыркүйек күндері Тәжікстанның Душанбе қаласында Орталық Азия елдері басшыларының бесінші консультативтік кездесуі шеңберінде Орталық Азия елдері жоғары оқу орындары ректорларының екінші форумы өтуде.

Форум жұмысына Тәжікстан, Қазақстан, Қырғызстан, Түрікменстан және Өзбекстанның ғылым және жоғары білім министрлері мен ЖОО басшылары қатысуда.

• 14.09.2023
• 219