Агенттік төрағасы ҚР Президенті жанындағы Мемлекеттік басқару академиясының магистранттары және докторанттарымен кездесті

Мемлекеттік қызмет істері агенттігінің төрағасы Дархан Жазықбаев ағымдағы жылы ҚР Президенті жанындағы Мемлекеттік басқару академиясының магистратурасы мен докторантурасына оқуға түскен мемлекеттік қызметшілермен кездесу өткізді.

Кездесу барысында МҚІА басшысы мемлекеттік қызметті дамыту бойынша Агенттікпен атқарылып жатқан шаралар туралы айтты.

Дархан Жазықбаев мемлекеттік қызметтің қазақстандық моделінің ілгерілеп дамып келе жатқанына тоқталып, мемлекеттік қызметшілердің саналы жаңғыруы, құндылықтық бағдарларының мен ұстанымдарының  өзгеруі оның негізі  болып табылатынын айтты.

Академия магистранттары мен докторанттары мемлекеттік қызметшілерді оқытуға және мемлекеттік қызметті өткеруге қатысты ұсыныстарын білдіріп, өздерін қызықтырған сұрақтарды қойды.

Кездесу соңында Агенттік төрағасы магистранттар мен докторанттарды мемлекеттік қызметті жетілдіруге қатысты шараларға белсенді ат салысуға шақырып, жаңа идеялар мен ұсыныстарға қашанда ашық екенін атап өтті.

• 22.09.2023
• 247