МҚІА төрағасы «Самұрық-Қазына» Қорының жас мамандарымен кездесті

Мемлекеттік қызмет істері агенттігінің төрағасы Дархан Жазықбаев Президенттік жастар кадр резервіне кезекті іріктеу жайлы түсіндіру жұмыстарын жүргізу үшін «Самұрық-Қазына» қорының жас мамандарымен кездесті. Іс-шараға «Самұрық-Қазына» АҚ Басқарма Төрағасы Нұрлан Жақыпов және Қорда қызмет атқаратын Президенттік жастар кадр резервінің өкілдері қатысты.

Дархан Жазықбаев Президенттік жастар кадр резерві мемлекеттік қызметке жаңаша ойлай алатын, жұмысқа жаңа тәсілдерді енгізуге қабілетті дарынды жастарды тартудың тиімді құралдарының біріне айналғанын атап өтті.

Агенттік төрағасы кезекті іріктеудің ерекшеліктеріне тоқталып, оның ережелері мен талаптарын түсіндірді. Кездесуге қатысушылар іріктеу кезеңдеріне қатысты сұрақтарын қойды.

МҚІА төрағасы жас мамандарды кадр резервіне іріктеуге белсенді қатысуға шақырды.

Қазіргі уақытта «Самұрық-Қазына» Қорында Президенттік жастар кадр резервінің 36 мүшесі жұмыс жасайды.

• 23.09.2023
• 181