Өтеген Сейітовтың 100 жылдығына арналған халықаралық форум

Көрнекті мемлекет және қоғам қайраткері, Қазақ КСР Прокуроры Өтеген Сейітұлы Сейітовтың 100 жылдығына арналған «Құқық қорғау қызметінің өзекті мәселелері» ғылыми-практикалық конференциясының жұмысын аштым.

Конференция ЮНЕСКО қолдауымен ұйымдастырылды.

Конференция жұмысына қадағалау органдарының ардагерлері, Парламент депутаттары, Президент Әкімшілігінің, мемлекеттік органдардың, ғылыми қоғамдастықтың өкілдері, ЮНЕСКО, адам құқықтары жөніндегі Еуропалық соттың, сондай-ақ Беларусь, Ресей сарапшылары қатысты.

Өтеген Сейітұлының жарқын және қайталанбас тағдыры-жоғары кәсіпқойлық пен таңдалған іске адалдықтың үлгісі.

Прокуратура органдарындағы еңбек жолын 1938 жылы 16 жасында бастаған. Ұлы Отан соғысының қатысушысы. Демобилизациядан кейін прокуратураға оралды.

18 жыл бойы, 1966 жылдан 1984 жылға дейін Қазақ КСР прокуратура органдарын басқарды.

Қазақ КСР-де заңдылық пен құқықтық тәртіпті қамтамасыз етудегі жоғары жетістіктері үшін 1972 жылы Сейітов «1-сыныпты мемлекеттік әділет кеңесшісі» жоғары сыныптық атағына ие болды.

Өтеген Сейітов көптеген ордендермен және медальдармен – «Қызыл Жұлдыз», «І дәрежелі Отан соғысы», «Халықтар достығы», «Құрмет» ордендерімен марапатталған. Қазақ КСР еңбек сіңірген заңгері, прокуратураның құрметті қызметкері атағы берілді.

Өтеген Сейітұлының бүкіл өмір жолы заңға қызмет етуге арналды және бәріміз үшін жарқын үлгі болып табылады. Ол прокурор қызметкерлерінің көптеген ұрпақтарына тәлімгер болды, елдегі әйгілі заңгерлердің бүкіл тобын тәрбиеледі.

Форум алаңында құқық қолдану практикасының өзекті мәселелері, нормашығармашылық бастамалар, құқық қорғау қызметін дамыту перспективалары және адам құқықтарын қорғаудың тиімділігін арттыру талқыланды.

• 23.09.2023
• 214