Нұр-Сұлтан қаласы «Есіл» аудандық полициясына бару туралы.

Бүгін Ішкі істер министрі Ерлан Тұрғымбаевпен бірге Нұр-Сұлтан қаласының «Есіл» аудандық полиция басқармасына бардым.

Тергеушілердің жаңа процессуалдық жағдайлардағы жұмысымен және олардың сотқа дейінгі тергеп-тексеру органдарының шешімдерін электрондық форматта келісу бойынша прокурорлармен өзара іс-қимылымен таныстық.

Енді тұлғаны күдікті деп тану, әрекетті саралау, қайта саралау, мерзімдерді үзу, істі тоқтату, сондай-ақ адамды айыптау хаттамасы мен бұйрық өндірісін қолдану туралы қаулы сияқты процессуалдық шешімдер прокурордың келісімінсіз және мақұлдауынсыз заңды күшке ие болмайды.

Осыған байланысты әріптестерден Қпк талаптарын мүлтіксіз сақтауды және азаматтардың конституциялық құқықтарын бұзуға жол бермеуді талап еттім.

• 05.01.2021
• 497