Бас прокуратураның алқа отырысында орманды қорғау мәселелері қаралды

А.ж. 28 қыркүйекте Бас прокуратураның алқа отырысында бейінді министрліктер басшыларының қатысуымен ормандарды қорғау саласындағы заңдылықтың жай-күйі қаралды.

Отырыс барысында Абай және Қостанай облыстарында болған ірі өрттерді тексеру және тергеу барысында прокурорлар анықтаған негізгі проблемалар талқыланды.

Олардың қатарында өртті сөндірудің нақты алгоритмдерінің, экология және төтенше жағдайлар министрліктерінің бөлімшелері арасындағы тиісті өзара іс-қимылдың, өртті ерте анықтау жүйелерінің болмауы, техниканың тозығы жеткен жай-күйі, орманшылардың өртті жедел сөндіруге дайындығының болмауы және басқа да проблемалар бар.

Орманды заңсыз кесуге қарсы күрес, сондай-ақ орман мекемелерінің оны молайту, оның ішінде Астананың «жасыл белдеуін» кеңейту жөніндегі іс-шараларды сапасыз жүргізуі мәселелеріне ерекше назар аударылды.

Осы саладағы әкімшілік және қылмыстық құқық бұзушылықтардың анықталуының төмендегенін, орман ағаштарын ұрлаудың заңсыз схемаларының жолын кесу жөніндегі жұмыстың тиімділігін арттыру қажеттігін атап өттім.

Жергілікті жерлердегі прокурорларға ведомстволардың жұмысын үйлестіру және осы санаттағы қылмыстық істер бойынша сапалы қадағалауды қамтамасыз ету тапсырылды.

Талқылау қорытындысы бойынша уәкілетті органдар үшін бірқатар ұсынымдар әзірленді.

Анықталған кемшіліктерді жүйелі шешу үшін 2024-2027 жылдарға арналған бірлескен іс-шаралар жоспары әзірленді.

• 29.09.2023
• 175