25-29 қыркүйек аралығында ҚР Қаржылық мониторинг агенттігі ЕАТ Хатшылығымен бірлесіп ЕАТ-қа мүше мемлекеттер үшін Астана қаласында ФАТФ стандарттары бойынша оқыту семинарын өткізді

Оқыту семинарына ЕАТ-қа мүше жеті мемлекеттің құзыретті органдарының өкілдері қатысты. Оқу барысында практикалық сабақтар мен іскерлік командалық ойындар өткізілді. Оқудың соңғы күнінде активтерді қайтару мәселелері бойынша дөңгелек үстел ұйымдастырылды, онда қатысушылар өздерінің кейстермен бөлісті.

Жылыстатуға қарсы жүйелерінің жұмысын көрнекі көрсету мақсатында қатысушылар топтарға бөлінді. Өз кезегінде әр топтың құрамына қаржылық барлау бөлімшелерінің, құқық қорғау және қадағалау органдарының өкілдері кірді.

Семинар бағдарламасы ФАТФ-тың әрбір ұсынысы бойынша егжей-тегжейлі түсіндірілетін 11 тікелей нәтижені қамтыды. Семинардың негізгі міндеті - ЕАТ мүше мемлекеттердің жылыстатуға қарсы жүйесіне қатысушылардың ФАТФ стандарттарын практикада қолдану бойынша хабардарлығын арттыру және дағдыларын дамыту болып табылады.

• 29.09.2023
• 147