Қазақстан мен Мажарстан СІМ басшылары БҰҰ Бас Ассамблеясының ааясында кездесті

Нью-Йорк, 2023 жылғы 21 қыркүйек – Бас Ассамблеясының 78-ші сессиясының аясында Қазақстан Премьер-Министрінің орынбасары – Сыртқы істер министрі Мұрат Нұртілеу Мажарстанның Сыртқы экономикалық байланыстар және сыртқы істер министрі Петер Сийяртомен кездесті.

Тараптар саяси, сауда-экономикалық және мәдени-гуманитарлық ынтымақтастықтың қазіргі жағдайы мен перспективаларын талқылады. Сондай-ақ, министрлер алдағы жоғары және аса жоғары деңгейдегі сапарлармен алмасу Астана мен Будапешт арасындағы стратегиялық әріптестік пен өзара тиімді ынтымақтастық қатынастарын нығайтуға қосымша серпін беретінін атап өтті.

Еуропалық одақтағы жақын және сенімді стратегиялық әріптес - Мажарстанмен берік байланыстарымызды жоғары бағалаймыз. Біздің экономикалық ынтымақтастығымыз айтарлықтай өсіп келеді және Қазақстан 700 млн АҚШ долларына дейін 95 тауар өнімдерінің экспорттын ұлғайтуға дайын – деді М. Нұртілеу.

Қазақстан СІМ басшысы Stipendium Hungaricum стипендиялық бағдарламасын жалғастыруға баса назар аударды, оның шеңберінде мажар тарапы қазақстандық студенттерге жыл сайын Мажарстанның жетекші жоғары оқу орындарында оқуға 250 білім беру грантын ұсынады.

Сыртқы саяси ведомстволардың басшылары жаһандық және өңірлік күн тәртібіндегі өзекті мәселелер, сондай-ақ көпжақты алаңдар шеңберіндегі өзара іс-қимыл бойынша пікір алмасты.

• 02.10.2023
• 148