Қазақстан мен Чехия СІМ басшыларының кездесуі туралы

Нью-Йорк, 2023 жылғы 21 қыркүйек – ҚР Премьер-Министрінің орынбасары – Сыртқы істер министрі Мұрат Нұртілеу БҰҰ Бас Ассамблеясының 78-ші сессиясында Чех Республикасының Сыртқы істер министрі Ян Липавскиймен екіжақты келіссөздер жүргізді.

Тараптар Чехия Премьер-министрі Петр Фиаланың ағымдағы жылғы сәуірде Қазақстанға жасаған ресми сапарының қорытындыларын жоғары бағалады және барлық деңгейдегі байланыстарды жандандыруға уағдаласты. Министрлер өзара тиімді ынтымақтастықтың дәстүрлі салаларында - ауыл шаруашылығы, көлік, өнеркәсіп, энергетика және машина жасау салаларында қолда бар іске асырылмаған әлеуетті атап өтті.

М. Нұртілеу чех тарапына ғылыми-техникалық салада, атап айтқанда Чехияның жетекші оқу орындарында қазақстандық маман-инженерлерді даярлау бойынша өзара іс-қимылды нығайтуды ұсынды.

Өз кезегінде, Ян Липавский ағымдағы жылдың қазан айында Чехияның Ауыл шаруашылығы министрінің Астанаға сапары туралы хабарлап, оның шеңберінде агроөнеркәсіптік кешендегі өзара тиімді ынтымақтастықтың нақты бағыттары айқындалатынын жеткізді.

Анықтама: Қазақстан мен Чехия арасындағы тауар айналымы 2022 жылы 423 млн АҚШ долларын құрады және өткен жылмен салыстырғанда 67%-ға өсті, ал 2023 жылдың алғашқы 7 айында өзара сауда 326 млн АҚШ долларын құрап, 76%-ға өсті.

• 02.10.2023
• 147