Қазақстан мен Сербия екіжақты ынтымақтастықты арттыруда

Нью-Йорк, 2023 жылғы 21 қыркүйек – БҰҰ Бас Ассамблеясының 78-ші сессиясының шеңберінде Қазақстан Сыртқы істер министрі Мұрат Нұртілеу Сербия Сыртқы істер министрі Ивица Дачичпен келіссөздер жүргізді.

Министрлер түрлі салалардағы екіжақты ынтымақтастықтың өзекті жай-күйі мен перспективаларын талқылап, сауда-экономикалық өзара іс-қимылды кеңейтудің маңыздылығын атап өтті.

Сербия біздің Балқан аймағындағы маңызды серіктесіміз және біз өзара қызығушылық тудыратын салалардағы байланыстарды жандандыруға дайынбыз. Ағымдағы жылғы желтоқсанда Белградта өтетін қазақ-серб үкіметаралық комиссиясының отырысы ынтымақтастықтың жаңа бағыттарын айқындауға ықпал етеді –деп мәлімдеді М. Нұртілеу.

И.Дачич Белградтың Сербия үшін Орталық Азиядағы басты әріптес болып табылатын Қазақстанмен ынтымақтастықты кеңейту ниетін растады. Бұл ретте әртүрлі салалардағы бірлескен жобаларды дамытуда әлеуеттің бар екендігі аталып өтті.

Кездесу қорытындысы бойынша СІМ басшылары жақын арада сапарлармен алмасу туралы келісті.

• 02.10.2023
• 131