Азаматтарды қабылдау туралы

Мемлекет Басшысы Қасым-Жомарт Тоқаевтың Қазақстан халқына Жолдауында қойған "халық үніне құлақ асатын мемлекетті" қалыптастыру жөніндегі міндеттер шеңберінде, сондай-ақ Қызмет шеңберінде Агенттік "Amanat"партиясының қоғамдық қабылдау бөлмесінде азаматтарды кезекті қабылдауды өткізді.
Қабылдау барысында азаматтардың ипотекалық қарыздарды қайта қаржыландыру бағдарламасына қатысуына, сондай-ақ қаржылық алаяқтардың әрекеттерінен зардап шеккен азаматтардың қарыздарын реттеуге қатысты мәселелер қаралды.
2023 жылдың 8 айында агенттікке азаматтардан 40,9 мың өтініш түсті. Азаматтар мен ұйымдардың өтініштерінің негізгі үлесі банк секторына тиесілі болды – 54% немесе 22,3 мың өтініш. Микроқаржы ұйымдары қызметінің мәселелері бойынша – 29% немесе 11,3 мың өтініш, сақтандыру нарығы субъектілері – 2% немесе 1 мың өтініш, қаржы нарығының өзге субъектілері – 15% немесе 6,3 мың өтініш.
Қаржы ұйымдарына қатысты қаржылық қызметтерді тұтынушылардың құқықтарын қорғау шеңберінде анықталған бұзушылықтар бойынша 2023 жылдың басынан бастап жалпы сомасы 80,5 млн. теңгеге 122 шара және 95 әкімшілік жаза қолданылды.

Толығырақ: https://www.gov.kz/memleket/entities/ardfm/press/news/details/628173?lang=ru

• 04.10.2023
• 192